Hestaníðingur á ferð í Kjós

Áverkar á þremur hryssum

Mynd: Mynd Sigtryggur Ari Jóhannsson

Um síðastliðna helgi fannst slösuð hryssa í Laxárdal í Kjós. Eftir að hún hafi verið skoðuð af dýralækni kom í ljós að eitthvað óeðlilegt var að sem benti til þess að einhver eða einhverjir hafi valdið áverkum á hryssunni.

Áverkarnir komu í ljós þegar skoðað var undir taglrót hryssunnar. Var hryssan bólgin, blóðug og skorin.

Þetta er þriðja tilfellið þar sem slíkir óeðlilegir áverkar finnast á hryssu úr sama hestahólfi í Kjósinni. Á vef Kjósarhrepps er varað við manninum eða mönnunum og eru hestaeigendur og umráðamenn hrossa beðnir um að fylgjast vel með hestum í hestahólfum.

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.