Lögreglan þurfti í gær að hafa afskipti af liðsmönnum Heimavarnarliðsins sem reyndu að stöðva útburð af heimili í Breiðagerði.
Á þriðja tug Heimavarnarmanna tóku á móti fulltrúum sýslumanns sem vildu komast inn í húsið.

Í þessu myndbandi má sjá orðaskipti lögreglumanna og Heimavarnarliðsins.

Samkvæmt áreiðanlegum upplýsingum DV var útburðurinn algjört neyðarúrræði Arion banka. Kona sem bjó í húsinu hætti að greiða af lánum sínum nokkru fyrir hrun. Þrátt fyrir það hefur konan búið í húsinu sem er 350 fermetra einbýlishús. Hún hefur síðan haldið áfram að búa í húsinu eftir að bankinn leysti eignina til sín árið 2009. Samkvæmt öruggum upplýsingum DV hefur bankinn greitt öll gjöld af húsinu og konan því búið frítt í húsinu síðan í maí 2008.

Um hádegisbilið í gær var lásasmiður kallaður til að opna hurðina, þar sem konan var læst inni í húsinu og neitaði að koma út. Þá voru um átta lögreglubílar voru á staðnum sem og 10-15 háværir mótmælendur frá Heimavarnarliðinu auk fjölmiðlamanna. Konan átti samskipti við lögregluna í gegnum bréfalúguna en hún neitaði að láta bera sig út.

Hér má sjá mótmælendur og meðlimi Heimavarnarliðsins fjarlægða frá húsinu með lögregluvaldi.
Myndbandið er af Youtube reikningi