Ögmundur Jónasson, innanríkisráðherra hefur lagt fram frumvarp á Alþingi um að áfengislöggjöf verði hert. Þá mun vera bannað að auglýsa óáfenga drykki sem seldir eru í nauðlíkum umbúðum og áfengir drykkir.

Þá mun verða ólöglegt að auglýsa drykki sem innihalda minna en 2,25% af vínanda, séu þeir í umbúðum sem svipar mjög til umbúða áfengra drykkja. Þá verður samkvæmt frumvarpinu bannað að sýna áfengisdrykkju í auglýsingum og sama mun eiga við hvers kyns meðferð áfengis.

Tilgangur frumvarpsins er að koma í veg fyrir að áfengi sé auglýst með óbeinum hætti og að sama skapi á að gera löggjöfina skýrari.