Ef svo ólíklega vill til að þú hafir þurft að slá inn leitarorðið „Do a barrel roll“ á leitarvef Google í gær og dag þá þarftu ekki að óttast.

Það er allt í lagi með tölvuna þína, og það sem meira er, það er allt í lagi með þig, þó að vafrinn þinn hafi snúist í 360 gráður við leitina.

Google ákvað nefnilega að bregða á leik og kynna til leiks nýja leitarvélarbrellu sem virkar í Firefox og Google Chrome-vöfrunum (líka í iPhone-símum). Og þetta er bara til gamans gert segja talsmenn Google eftir að brellan fór sem eldur um sinu í netheimum í gær.