Tvær snarpar jarðskjálftahrinur urðu í Mýrdalsjökli í nótt, sú fyrri rétt fyrir klukkan þrjú í nótt og önnur minni upp úr klukkan fjögur. Stærsti skjálftinn í hrinunum mældist rúmlega þrír að stærð. Síðan hefur verið nokkur skjálftavirkni og eftirskjálftar en þeir virðast vera að fjara út. Þetta er þó líklega stærsta jarðskjálftahrinan sem hefur orðið á svæðinu í ár.

Allt að sjötíu jarðskjálftar hafa mælst í Mýrdalsjökli frá miðnætti. Hrinan mun þó ekki vera undanfari eldgoss. Nokkur skjálftavirkni hefur verið undanfarið í Mýrdalsjökli.

Á heimasíðu Veðurstofunnar er hægt að fylgjast með skjálftavirkni í Mýrdalsjökli- Mýrdalsjökull - jarðskjálftar síðustu 48 klst.