Einar Árnason er sagður verða aðstoðarmaður Ögmundar Jónassonar innanríkisráðherra í málefnum sem varða samgöngu- og sveitarstjórnarmál í innanríkisráðuneytinu. Einar Árnason starfaði áður sem hagfræðingur hjá Bandalagi starfsmanna ríkis og bæja og útskrifaðist sem hagfræðingur frá London School of Economics.

Í samtali við DV.is vildi Ögmundur Jónasson ekki staðfesta þetta og en sagði frétta að vænta á morgun frá ráðuneytinu. Í innanríkisráðuneytinu sameinast dóms- og mannréttindaráðuneytið og samgöngu- og sveitarstjórnarráðuneytið.