Sjö ökumenn voru teknir á höfuðborgarsvæðinu fyrir akstur undir áhrifum fíkniefna um helgina. Allt voru þetta karlar og eru þeir allir á þrítugsaldri. Tveir þeirra reyndust vera próflausir, annar hafði verið sviptur ökuréttindum en hinn hafði aldrei öðlast þau.

Tíu ökumenn voru teknir fyrir akstur undir áhrifum áfengis á höfuðborgarsvæðinu um helgina. Níu voru stöðvaðir í Reykjavík en einn í Kópavogi. Sjö karlar á aldrinum 18 til 49 voru teknir og þrjár konur sem allar eru á þrítugsaldri.