Tilkynnt var um reyk undan þakskeggi og brunalykt í miðbænum nú rétt fyrir hádegi. Þegar fullmannaðir slökkviliðsbílar, lögreglu -og sjúkrabifreiðar komu á staðinn reyndist reykur og ilmur frá pizzagerðarhúsinu Caruso hafa villt um fyrir íbúa miðbæjarins.

Að sögn varðstjóra hjá slökkviliðinu er það ekki í fyrsta sinn sem slökkvilið er kallað út vegna pizzubaksturs. Brýnt sé að fylgja eftir öllum útköllum og fullur viðbúnaður sé alltaf hafður á þegar grunur er um eldsvoða í miðbæ Reykjavíkur enda erfitt aðgengi og mikið um illa farin timburhús.