Sjötíu og eitt prósent vilja að stjórnvöld afturkalli fiskveiðiheimildir og úthluti þeim aftur með breyttum reglum. Mikill munur er á afstöðu svarenda eftir stuðningi við stjórnmálaflokka.

Þetta er samkvæmt niðurstöðum könnunnar sem MMR framkvæmdi dagana 14. – 16. september. Heildarfjöldi svarenda var 854 einstaklingar.

Minnstur stuðningur við afturköllunina er meðal kjósenda Sjálfstæðisflokksins en mestur meðal kjósenda Vinstri grænna. Meirihluti kjósenda Framsóknarflokksins vilja að veiðiheimildir séu afturkallaðar.