Runólfur Ágústsson, fyrrverandi rektor Háskólans á Bifröst, skildi eftir sig sviðna jörð í menntafyrirtækinu Keili þegar hann stýrði því, samkvæmt því sem lesa má út úr skýrslu rannsóknarnefndar Alþingis.
Í skýrsla Ríkisendurskoðunar um starfsemi Keilis er gagnrýnin. Greint er frá fjáraustri ríkisins til skólans sem þó hafi ekki leitt til þess að reksturinn hafi staðið undir sér. Meðal þess sem gagnrýnt er í skýrslunni eru viðskipti Keilis með fasteignir bandaríska hersins en skólinn græddi 200 milljónir á þeim á kostnað íslenska ríkisins.
Menntafyrirtækið Keilir í Reykjanesbæ græddi nærri 200 milljónir króna á fasteignaviðskiptum sínum við íslenska ríkið á árunum 2007 og 2008. Um þetta er rætt í gagnrýnni skýrslu embættis Ríkisendurskoðunar sem gerð var opinber á þriðjudaginn. Fasteignaviðskiptin eru hluti af viðskiptum Keilis sem stofnunin gagnrýnir nokkuð harkalega í skýrslunni.
Í viðskiptunum keypti Keilir mennta- og leikskóla á svæði varnarliðsins á Keflavíkurflugvelli af Þróunarfélagi Keflavíkurflugvallar á verði sem var einungis 30 prósent af matsverði. Skólarnir höfðu áður verið eign bandaríska hersins en hann gaf íslenska ríkinu þá, ásamt öllum fasteignum á svæðinu, þegar hann yfirgaf Ísland fyrir fjórum árum. Keilir seldi eignarhaldsfélaginu Fasteigna ehf. svo áðurnefnda skóla ári síðar og innleysti áðurnefndan hagnað.
Lesa má nánar um málið í DV í dag
Gamla fólkið verst úti
Manndráp í Hafnarfirði: Maðurinn vel þekktur hjá lögreglu
Ekki búið að reisa girðingu við Klepp
Slasaðist á sjó og fær ekki laun
Íslenskir barnaníðingar í útlöndum hundeltir