Jón Gnarr, borgarstjóri í Reykjavík, hefur lagt til að nafni Miklatúns verði aftur breytt í Klambratún. Tillaga hans var samþykkt einróma í borgarráði Reykjavíkur. Nafni Klambratúns var breytt í Miklatún á sjöunda áratugnum en margir kalla túnið ennþá Klambratún.

Borgarfulltrúar samþykktu einnig að söguskilti yrði sett upp á túninu síðar í sumar en bóndinn Christian H. Christensen sem þar bjó síðstur bænda hefði orðið 100 ára í þessum mánuði.

Þá lögðu borgarráðsfulltrúar Sjálfstæðisflokksins fram tillögur um flutning hverfabækisstöðvar framkvæmdasviðs af túninu og starfsemi ÍTR þar í staðinn, yndisgarð fyrir eldri borgara og að settur verði niðurgrafinn hjólabrettagarður á túnið.