Það var heldur betur fjör í Tungudal í Skutulsfirði í dag þar sem Mýrarboltamótið var haldið í sjötta sinn þar sem þrjátu og fimm lið reyndu fyrir sér. Sólin skein á keppendur sem léku listir sínar á keppnissvæðinu og var almenn ánægja með mótið í dag.

Fjöldinn allur af áhorfendum lagði leið sína í Tungudal til að fylgjast með mótinu en einnig var keppt í drullulangstökki, drulluteygju og forleik.

Mótið heldur áfram á morgun en þá hefst úrslitakeppnin þar sem efstu lið riðlakeppninnar í dag mætast.