Samkvæmt nýrri könnun MMR þá treystir fólk best persónulegum meðmælum og umfjöllun á netinu þegar þeir leita upplýsinga um vöru og þjónustu.

Um 80 prósent aðspurðra sögðust helst treysta meðmælum fólks sem það þekkir þegar það leitar sér upplýsinga um vörur og þjónustu. Þar á eftir komu heimasíður fyrirtækja og umsagnir neytenda á internetinu.

Fæstir sögðust þó treysta auglýsingum á internetinu og sms auglýsingum.

Könnunin fór fram dagana 4.-10. maí og henni svöruðu 976 einstaklingar á aldrinum 18- 67 ára.