Mál níu einstaklinga sem ákærðir hafa verið fyrir að ráðast gegn Alþingi í desember 2008 var tekið fyrir í Héraðsdómi Reykjavíkur klukkan hálf níu í morgun. Sem fyrr var töluverður fjöldi fólks mættur á svæðið til að sýna hinum ákærðu stuðning, þó þeir hafi verið færri en þegar málið var síðast tekið fyrir þann tólfta maí síðastliðinn.

Lögreglan var með einhvern viðbúnað í héraðsdómi í morgun en samkvæmt upplýsingum DV hefur allt farið vel fram. Líkt og þann tólfta maí síðastliðinn komust færri að en vildu í sal 101 í héraðsdómi í morgun og þegar ekki komust fleiri að var dyrunum að salnum lokað.

Allir þeir sem hafa verið ákærðir neita sök.