„Tvær vikur í farbann,“ segir Ólafur Þór Hauksson, sérstakur saksóknari um niðurstöðu Héraðsdóms Reykjavíkur í máli Magnúsar Guðmundssonar fyrrverandi forstjóra. Ólafur segir í samtali við DV að verjandi Magnúsar hafi kært farbannsúrskurðinn til Hæstaréttar.

Aðspurður segir Ólafur að embættið hafi farið fram á farbann en ekki hafi verið farið fram á áframhaldandi gæsluvarðhald. Rannsóknarhagsmunir hafi ekki krafist þess.

„Við erum komnir með málið þannig að við töldum okkur ekki þurfa að fara fram á áframhaldandi gæsluvarðhald yfir honum.“

Eins og fram hefur komið á DV.is var Magnús úrskurðaður í tveggja vikna farbann en gæsluvarðhaldsúrskurður yfir honum hefði runnið út í dag klukkan 16.

Gæsluvarðhald yfir Hreiðari Má Sigurðssyni rennur út á miðvikudaginn í næstu viku.

Sjá einnig:

Magnús í farbann- laus úr haldi