Steingrímur J. Sigfússon fjármálaráðherra segir að mál sexmenninganna sem skilanefnd Glitnis hefur stefnt hljóti að verða rannsakað sem sakamál. „Maður bara nuddar augun og trúir þessu varla,“ segir Steingrímur í samtali við Smuguna.

Þar kemur fram að Ólafur Þór Hauksson, sérstakur saksóknari, hafi staðfest að málið væri ekki til rannsóknar hjá embættinu en útilokaði þó ekki að það myndi rata inn á borð þess enda ber skilanefndum að tilkynna grun um saknæmt athæfi til embættisins.

Steingrímur segir við Smuguna að margir hafi óttast að einkavæðing bankana, eins og að henni var staðið, bæri ógæfuna í sér og eigendur myndu fara um bankana og gefa stjórnendum fyrirmæli. Það sé komið á daginn.

Frétt Smugunnar