Tékkneskur frambjóðandi hefur lofað því að stöðva eldgosið í Eyjafjallajökli. Jiri Paroubek stendur í ströngu í kosningabaráttu í Tékklandi. Pólitískir andstæðingar hans hafa gert grín að honum fyrir að velja sér vinsæl mál til að fá kosningu og að vera almennur smjaðrari við kjósendur.

Paroubek ákvað því að slá þessari gagnrýni upp í grín með því að birta hundruð plakata með myndum af Eyjafjallajökli þar sem hann lofar því að stöðva eldgosið.