Gunnari I. Birgissyni, fyrrverandi bæjarstjóra Kópavogs, var fagnað af bæjarfulltrúum er hann mætti til starfa á ný í bæjarstjórn í dag. Ármann Kr. Ólafsson, forseti bæjarstjórnar Kópavogs, byrjaði fundinn í dag á því að bjóða Gunnar velkominn til starfa.

„Ég vil bjóða Gunnar Birgisson velkominn aftur til starfa,“ sagði Ármann Kr. við upphaf fundarins.

Gunnar lét af störfum sem bæjarstjóri í júní í fyrra eftir að umfjöllun um viðskipti Kópavogsbæjar við útgáfufyrirtækið Frjálsa miðlun komust í hámæli í umræðunni eftir að DV greindi frá þeim um miðjan apríl 2009.