Stórsöngvarinn Friðrik Ómar og unnusti hans Ármann Skæringsson ætla að leggja land undir fót og flytja til Stokkhólms í Svíþjóð. Friðrik hefur verið einn ástsælasti söngvari landsins undanfarin ár og tekið þátt í hverri stórsýningunni á fætur annarri.

„Ég er bara að leita að íbúð eins og staðan er núna,“ segir Friðrik sem bætist þar með í hóp fjölmarga ungra Íslendinga sem flytja af landi brott.

Friðrik hefur verið ein helsta söngstjarna Íslands frá því hann sló í gegn sem innhringjandi í útvarpsþátt Sniglabandsins á Rás 2. Síðan hefur leiðin legið upp á við og Friðrik hefur undanfarið verið með frábæra tónleika þar sem hann hefur sungið lög Elvis Presley. Uppselt hefur verið á flesta tónleika en síðustu forvöð eru að sjá Friðrik Ómar í búningi Elvis um helgina.