„Ísland er ekki staður sem við fjöllum venjulega um. En það er góð ástæða fyrir því í dag. Atburðir sem eiga sér stað þar gætu nefnilega að sögn vísindamanna stofnað allri jörðinni í hættu.“ Svona hljóða upphafsorð umfjöllunar Fox-fréttastofunnar bandarísku um eldgosið á Íslandi.

Verið er að fjalla um möguleikann á því að í kjölfar eldgossins í Eyjafjallajökli gæti Katla tekið upp á því að gjósa líka eins og dæmi eru um í sögunni. Þegar það hafi gerst hafi það breytt veðurfari á jörðinni að því er segir í frétt Fox-fréttastofunnar í gær.

Í fréttinni ræðir fréttakona Fox, Megyn Kelly, við jarðskjálftafræðinginn John Rundle frá Berkley-háskólanum í Bandaríkjunum sem gerir nú voða lítið til að draga úr hamfaravinkli fréttakonunnar sem virðist álíka skelkuð og áhorfendur hennar hafa vafalítið verið.

Sjá má viðtalið hér að neðan: