Karlmaður ók aftan á vinnuvél í morgun á Vesturlandsvegi við Suðurlandsveg þar sem vinnuvélin var að störfum. Ökumaðurinn hélt áfram för sinni þrátt fyrir að áreksturinn hafi verið talsvert harður og bifreið hans skemmst.

Lögreglan hafði upp á ökumanninum, sem hafði þá ekið talsverða vegalengd, við Réttarholtsveg í Reykjavík.

Ökumaður var fluttur á sysadeild til athugunar en ekki lék grunur á um að hann væri ölvaður að sögn varðstjóra lögreglunnar.

Í morgun varð annar harður árekstur varð á Reykjanesbraut við Mjódd í morgun. Samkvæmt upplýsingum frá lögreglu var tvennt flutt á slysadeild með sjúkrabíl og þriðji maðurinn fór á slysadeild til að láta athuga sig.

Bílarnir voru talsvert skemmdur og voru þeir fluttir á brott með kranabíl.