Þrjátíu og átta ára gömul íslensk kona var handtekin á alþjóðaflugvellinum í Lima í Perú í fyrradag. Hún er sögð hafa verið með fíkniefnum í fórum sínum en fjölskylda konunnar veit ekki hvar hún er niður komin og hefur ekkert frá henni heyrt frá því fréttirnar bárust.

Bróðir konunnar, sem DV ræddi við, hafði grunað að ekki væri allt með felldu en konan er fimm barna móðir. Fjölskyldan bíður frétta í gegn um utanríkisráðuneytið.