Guðni Ágústsson, fyrrverandi þingmaður og ráðherra, fer mikinn í pistli sem birtist í dag í Dagskránni, fréttablaði Suðurlands. Þar upplýsir Guðni lesendur um það að hann hafi orðið fórnarlamb vasaþjófs í Sundhöll Selfoss.

„Úrinu mínu var stolið úr vasa mínum í sundlauginni í síðustu viku um hábjartan dag í útiklefanum góða,“ skrifar Guðni sem segir að um helgan grip sér að ræða fyrir sig sem sé sárt saknað.

„Stálúr, sortin „Guess“ Úr sem Margrét mín gaf mér í afmælisgjöf,“ skrifar Guðni sem vill endurheimta úrið úr klóm hins fingralanga vasaþjófs með loforði um syndaaflausn.

„Renndu því innum blaðalúguna hjá mér góði, þá verða syndir þínar fyrirgefnar.“

Pistil Guðna má lesa í PDF-útgáfu blaðsins með að smella hér. Pistillinn er á blaðsíðu 14.