Hvort kvenmenn laðist að hraustum eða fíngerðum karlmönnum gæti farið eftir heilsu þeirra. Í nýrri rannsókn, sem nær til kvenna í þrjátíu löndum, kemur fram að konur sem lifa í fátækum löndum velji fremur hraustlega karlmenn en konur sem lifa í velmegunarlöndum laðast frekar að fíngerðum karlmönnum.

Vísindamenn á bakvið rannsóknina segja muninn liggja í eðlishvötum kvenna. Konur sem lifa í fátækum og sjúkdómahrjáðum löndum velja fremur hraustlega karlmenn sem geta veitt þeim heilbrigð börn, á meðan konur í velmegunarlöndum velja fremur fíngerða karlmenn því þeir séu líklegri til að vera betri skaffar og feður barna þeirra.