Tveir menn voru handteknir um hálf fjögurleytið í nótt en þeir höfðu brotist inn í verslunina Rangá við Skipasund. Vegfarandi sá til mannanna er þeir brutu sér leið inn og tilkynnti til lögreglu.

Þegar lögregluna bar að garði voru mennirnir að troða sígarettukartonum í poka og handtók lögreglan mennina.

Voru þeir færðir í fangageymslur og verða yfirheyrðir í dag.