Ellý Ármanns og Freyr Einarsson björguðu því að heimili þeirra í Hörgshlíð færi á uppboð eftir að lánin af því ruku upp eftir hrunið. Flestar fjölskyldur í landinu eru í svipaðri stöðu.

„Þetta er stökkbreytt lán sem við urðum að díla við,“ segir Freyr Einarsson, ritstjóri Íslands í Dag á Stöð 2 og unnisti Ellýjar Ármanns um það að húsið þeirra í Hörgshlíð 10 sé nú á leið á uppboð hjá sýslumanni.

Krafa Frjálsa Fjárfestingabankans vegna hússins á hendur Ellý var komin inn á borð Sýslumannsins í Reykjavík og samkvæmt upplýsingum frá embættinu á nauðungaruppboð á fasteigninni að hefjast þann 8. apríl. Heildarkröfur vegna hússins, sem er um 240 fermetrar að stærð, nema á fjórða tug milljóna króna.