Leigumorðinginn Pasquale Manfredi getur kennt Facebook-fíkn sinni um það að lögreglan á Ítalíu hafði hendur í hári hans. Manfredi, sem gekk undir viðurnefninu „Scarface“, notaði netpung til að komast á Internetið. Lögreglan komst að því og gat því fundið út hvar Manfredi hélt sig í hvert skipti sem hann fór á netið.

Lögreglan réðst inn í íbúð Manfredi í Calabria á Ítalíu á sunnudag. Þar náðu þeir Manfredi er hann var að spjalla við félaga sinn í gegnum Facebook. Lögreglan hefur í kjölfarið ákveðið að nota Facebook-síðu hans til að leita að öðrum þekktum glæpamönnum úr tvö hundruð manna vinalista Manfredi.