Ein mesta ráðgáta veraldarvefsins í dag er hver leyndardómsfulli píanóleikarinn er sem semur lög um ókunnugt fólk á spjallsvæðinu Chat Roulette. Myndband af píanóleikaranum á vefsíðunni Youtube hefur slegið í gegn en þar sést hann semja lög á svipstundu um ókunnugt fólk á spjallrásinni.

Vinsældir myndbandsins gerðu það að verkum að netverjar fóru að velta fyrir sér hver píanóleikarinn væri. Var heimsfrægi tónlistarmaðurinn Ben Folds fljótlega bendlaður við að vera píanóleikarinn Merton.

Segja netverjar Merton syngja eins og Ben Folds, spila á píanó eins og Ben Folds og að auki líta út eins og Ben Folds.