Aðalheiður Birgisdóttir, betur þekkt sem Heiða í Nikita, virðist hafa fundið ástina á ný. Heiða og barnsfaðir hennar og fyrrverandi sambýlismaður, Rúnar Ómarsson, slitu samvistum fyrir nokkrum misserum en þau stofnuðu hið farsæla hönnunarfyrirtæki Nikita fyrir um áratug. Orðið á götunni er að Amor hafi skotið örvum sínum í Heiðu og Egil Tómasson sem stundum er kenndur við hljómsveitina sálugu Soðna fiðlu. Þau hafa sést nokkuð oft saman undanfarnar vikur, þar á meðal á Menningarverðlaunum DV í Iðnó í síðustu viku en Nikita var þar tilnefnt til verðlauna í flokki hönnunar.

Eins og kemur fram í nýjasta tölublaði Séð og heyrt virðist Rúnar einnig á vegum ástarinnar nú um stundir, með Ástu Kristjánsdóttur í E-Label.