Yfirmenn Microsoft-hugbúnaðarfyrirtækisins hafa sett þá stefnu að starfsmenn fyrirtækisins megi aðeins nota síma sem styðja Microsoft-hugbúnað við vinnu. Var þessi ákvörðun tekin eftir að í ljós kom að í það minnsta tíu þúsund starfsmenn fyrirtækisins nota iPhone síma frá Apple-fyrirtækinu.

Notast því um tíu prósent starfsfólks Microsoft iPhone síma sem er lítið fagnaðarefni fyrir Steve Ballmer aðalframkvæmdastjóra fyrirtækisins. Wall street Journal greinir frá að stafsmenn séu farnir að dulbúa iPhone-símana sína til að koma í veg fyrir að fá skammir í hattinn fyrir að styðja samkeppnisaðilann.