Karlmaður var stunginn í hálsinn með kjöthitamæli eftir að hann kvartaði yfir afar pirrandi bíógesti við sýningu stórmyndarinnar Shutter Island í Lancaster í Bandaríkjunum. Karlmaðurinn kvartaði yfir konu sem talaði í farsíma á meðan sýningu myndarinnar stóð.

Bað hann hana vinsamlegast um að hætta að tala í símann. Konan yfirgaf þá salinn ásamt tveimur karlmönnum. Skömmu seinna birtust karlmennirnir aftur og réðust á sýningargestinn. Var hann stunginn í hálsinn en aðrir sýningargestir komu honum til aðstoðar. Karlmaðurinn var fluttur á sjúkrahús þar sem gert var að sárum hans en árásarmannanna er enn leitað.