Knattspyrnuhetjan og stofnandi skartgripa- og úraverslunarinnar Leonard, Sævar Jónsson, og eiginkona hans, Helga Daníelsdóttir, eru að reisa sér glæsihöll í Garðabæ sem samanlagt er tæpir 500 fermetrar að stærð. Húsið er alfarið skráð á Helgu, enda var Sævar nýverið úrskurðaður gjaldþrota.

Glæsieignin er við götuna Mosprýði í Garðabæ, nýju hverfi úti í hrauni þegar ekið er í átt að Bessastöðum.

Óhætt er að segja að staðsetning eignarinnar sé glæsileg og útsýnið ekki af verri endanum. Sjálft húsið er 420 fermetrar á þremur hæðum og á jarðhæðinni er að finna 60 fermetra bílskúr. Af efstu hæð er ómetanlegt útsýni yfir hraunið, Álftanesið, höfuðborgina og Esjuna.