Þrettán ára unglingsstúlka frá Manchester virðist hafa svipt sig lífi eftir að hafa verið lögð í einelti í skólanum fyrir það að vera sæt. Poppy Bracey fannst í svefnherbergi sínu í síðustu viku þar sem hún hafði hengt sig eftir að hún kom heim úr skólanum.

Samkvæmt frétt Daily Mail er málið nú til rannsóknar hjá yfirvöldum.

Skólasystkin Bracey við Lowton-skólann í Leigh birtu margvísleg skilaboð á Netinu eftir dauða hennar þar sem því var haldið fram að hún hafi verið lögð í einelti. Stúlkan bjó hjá fósturforeldrum sínum.