Svokallað Popp-Emo-Punk-kvöld fer fram á skemmtistaðnum Sódómu á morgun, fimmtudag. Fram koma hljómsvetirnar Endless Dark, Nögl og Reason To Believe. Húsið opnar klukkan 21 og kostar 500 krónur inn. 18 ára aldurstakmark.

Hljómsveitin Endless Dark frá Ólafsvík og Grundarfirð hefur heldur betur vakið athygli eftir að hafa sigrað íslensku undankeppni Global Battle of the Bands og mun hún fara til Bretlands og keppa fyrir Íslands hönd í næsta mánuði.

Hljómsvetin Nögl frá Grundarfirði gaf út sinn fyrst disk, I Proudly Present, í fyrra og hefur síðan þá verið ötul við að kynna hana. Meðal annars má nefna túr um Flórída í fyrra, en einnig vakti hljómsveitin athygli yfir jólin fyrir ábreiðu sína af Snjókorn falla.

Reason to Believe er hljómsveit sem kemur frá Keflavík og náði nýlega þeim skemmtilega árangri að vera valin hljómsveit fólksins á hljómsveitakeppninni Rokkstokk.