„Undirbúningur er hafinn en tökur hefjast um miðjan apríl í Melbourne í Ástralíu,“ segir Sigurjón Sighvatsson kvikmyndaframleiðandi um spennumyndina The Killer Elite. Myndin skartar hasarmyndahetjunni Jason Statham í aðalhlutverki en hann er þekktur úr myndum á borð við Snatch, Transporter og Crank.

„Myndin mun kosta um það bil 50 milljónir dala í framleiðslu,“ en það eru rúmir sex milljarðar íslenskra króna.

Sigurjón er nýkominn heim af Sundance-kvikmyndahátíðinni þar sem hann átti sæti í einni dómnefndanna. „Ég hef farið reglulega á Sundace-hátíðina í 20 ár og frumsýnt þar sjálfur einar átsa myndir. Það var því gaman og mikill heiður að fá sæti dómnefnd,“ segir Sigurjón sem átti sæti í nefndinni World Dramatic Competition en þar keppa dramamyndir frá öllum heimshornum.

„Við horfum á 16 myndir héðan og þaða úr heiminum og það var mjög fjölbreytt og skemmtielgt. Við sáum myndir frá Grænlandi, Perú, Bólivíu, Nýja Sjálandi, Ástralíu, Suður-Kóreu og Indæandi svo eitthvað sé nefnt,“ en það var ástralska myndin Animal Kingdom sem hlaut aðalverðlaun í flokknum.

Aðspurður hvort mikið af stjörnum hafi verið á hátíðinni segir Sigurjón það minna en oft áður. „Samt voru þarna þekkt nöfn eins og Kevin Costner, Annette Benning, Mark Ruffalo og Bill Gates. Svo var Parker Posey í einni dómnefdanna.“