Nærri 50 mótmælendum við höfuðstöðvar Íslandsbanka við Kirkjusand var fyrir stundu boðið í kaffiveitingar hjá bankastjóranum, Birnu Einarsdóttur. Nú sitja mótmælendurnir og borða með bankastjórnendum á meðan Birna kynnir málstað bankans fyrir þeim með glærusýningu.

Skipulögð flautumótmæli hófust fyrir utan höfuðstöðvarnar við Kirkjusand í hádeginu og fljótlega kom Birna bankastjóri út. Þar gaf hún sig á tal við mótmælendur og bauð þeim að sjá glærusýninguna og þiggja kaffiveitingar á meðan. Ekki þáðu allir mótmælendur brauð Birnu og því heldur einhverjir þeirra áfram mótmælum sínum fyrir utan bankann.