Norskum leiðtoga Vítisengla, sem kom hingað til lands í gær, hefur verið vísað frá landinu og fór af landi brott í morgun. Þetta kom fram í fréttum Bylgjunnar en maðurinn kom hingað til lands í fylgd með lögmanni sínum.

Var maðurinn hér á landi til að undirbúa kæru vegna meintrar ólögmætrar handtöku félaga síns úr samtökunum á hendur íslenska ríkinu, að því er fram kom á Bylgjunni í morgun.