Gífurleg fjölgun óléttu á meðal kvenna yfir 35 ára aldri í Bretlandi hefur orðið til þess að bresk yfirvöld hafa séð sig knúin til að senda út tilkynningu til kvenna um að aldur þeirra komi ekki í veg fyrir að þær geti orðið óléttar. Segir í tilkynningunni að margar konur yfir 35 ára aldur noti ekki getnaðarvarnir því þær telja sig ekki geta orðið óléttar aldursins vegna. Þetta sé að færast í aukanna á meðal kvenna á fertugs-, fimmtugs-, og sextugsaldrinum í Bretlandi.

Hefur þetta leitt til fjölda margra „slysa“ eftir einnar nætur gaman hjá konum á þessum aldri. Því hafa bresk yfirvöld beðið konur á þeim aldri að nota getnaðarvarnir þegar kemur að kynlífi, því þær geta svo sannarlega orðið óléttar.