Að fyrra bragði mætti ætla að helsti aðdáandi tímaritsins Playboy væri karlmaður enda karlpeningurinn helsti markhópur blaðsins. En sannleikurinn er sá að það er 44 ára kona frá Chicago sem á hvert einasta eintak af blaðinu sem komið hefur út.

Svo dyggur áhangandi Playboy er Peggy Wilkins að hún leigir stúdíóíbúð fyrir ofan íbúð sína og kærasta síns, undir Playboy-safnið sitt.

Á daginn vinnur Peggy við að halda utan um tölvukerfi bókasafns háskólans í Chicago, en í frístundum heldur hún utan um póstlista Playboy og Hugh Hefner hlustar á ráðleggingar hennar.

Hefner hefur í þrígang boðið henni í heimsókn í Playboy-höllina sína, svarar öllum hennar póstum persónulega.

Wilkins var 14 ára þegar hún keypti sitt fyrsta Playboy-blað í janúar 1980 og síðan var ekki aftur snúið. Hún hefur síðan fjárfest í öllum blöðunum, gömlum og nýjum.