63,7 prósent eru frekar eða mjög andvíg því að rekstur spilavíta verði leyfður á Íslandi. Þetta kemur fram í könnun MMR sem kannaði hversu fylgjandi eða andvígt fólk væri gagnvart því að leyfa rekstur spilavíta hér á landi. 71 prósent karla undir þrítugu eru fylgjandi.

Af þeim sem tóku afstöðu voru 63,7 prósent, sem fyrr segir, frekar eða mjög andvíg hugmyndinni. Skipt eftir einstökum svörum voru 39,5 prósent sem sögðust mjög andvíg, 24,2 prósent sögðust frekar andvíg, 20,6 prósent sögðust frekar fylgjandi og 15,7 prósent sögðust mjög fylgjandi því að rekstur spilavíta væri leyfður á Íslandi.

Töluverður munur reyndist á afstöðu svarenda eftir kyni og aldri. Þannig voru 46 prósent karla sem sögðust hlynnt því að rekstur spilavíta væri leyfður en eingöngu 26 prósent kvenna.

Þá voru 55 prósent svarenda undir þrítugu fylgjandi því að rekstur spilavíta væri leyfður á meðan þetta sama hlutfall var 35 prósent hjá aldurshópnum 30-49 ára og eingöngu 21 prósent meðal 50 ára og eldri.

Sé fjöldi karla undir þrítugu skoðaður sérstaklega kemur í ljós að 71 prósentsvarenda í þessu hópi sögðust fylgjandi því að rekstur spilavíta yrði leyfður á Íslandi