Þriðja serían af hinum geysivinsæla þætti Himinbláma verður tekin til sýningar hjá RÚV í haust. Þar verður hinum ýmsu spurningum svarað sem áhorfendur bíða í ofvæni eftir að fá svar við. Er Kim látinn? Kemur vandræðagemsinn Leif Grøndahl aftur? Hvernig tekur Brynjar á móti nýbúunum?

Þátturinn hefur heldur betur slegið í gegn hér á Íslandi en RÚV sýndi tvær fyrstu seríurnar á sunnudagskvöldum. Þriðjungur þjóðarinnar var farinn að stilla inn á RÚV á sunnudögum, en karlmenn hafa tekið miklu ástfóstri við þáttinn. Hafa jafnvel hinir hörðustu togarasjómenn viðurkennt að vita allt um Marit, Iris, Robin, Kate, Roland, Roy, Halle, Klara, Brynjar, Britt, Karoline og alla hina.