21 árs gamall Indverji, Pankaj Kishore Karotia, var skotinn til bana í eigin brúðkaupi á dögunum fyrir slysni.

Voru brúðhjónin búin að vera í veislu þar sem brúðkaupinu var fagnað og voru að gera sig reiðubúin til að fara heim til brúðarinnar. Ákvað frændi brúðgumans að skjóta einu skoti úr byssu sinni til heiðurs hjónunum áður en þau færu. Vildi ekki betur til en svo að skot hljóp úr byssunni og í höfuð mannsins.

Frændinn var handtekinn og verður hann ákærður fyrir manndráp af gáleysi.