Bretar og Hollendingar ætla að gera Íslendingum nýtt tilboð vegna Icesave-málsins. Kveður tilboðið á um það að vextir á lánunum verði breytilegir, en ekki fastir eins og áður var gert ráð fyrir. Þetta hefur fréttastofa Reuters eftir ónafngreindum heimildamanni.

Þetta þýðir að Íslendingar muni greiða alla upphæðina til baka en nánari útfærsla liggur hinsvegar ekki fyrir. Lýsir heimildamaður Reuters þessu sem tilboði sem „Íslendingar geti ekki hafnað.“ Heimildamaður innan breska fjármálaráðuneytisins staðfestir þetta einnig.

Að sögn Reuters byggir tilboðið á grunni Icesave-samningsins sem var undirritaður í október. Vaxtabyrði verði hinsvegar minni en samkvæmt upphaflega tilboðinu.