Fjölskylduhjálp Íslands var í dag afhentar 850 þúsund krónur frá símafyrirtækinu Nova. Peningana fékk Nova fyrir uppboð á heimasíðu sinni á símanúmerinu 777-7777, sem auðveldlega er hægt að kalla flottasta símanúmer í heimi.

Fjöldi tilboða barst í númerið sem var slegið einstakling sem greiddi hvorki meira né minna en 850 þúsund krónur fyrir og rann allt andvirðið beint til Fjölskylduhjálparinnar.

Matthías Imsland, formaður Fjölskylduhjálparinnar, var að vonum þakklátur þegar hann veitti peningunum viðtöku.

„Þetta á eftir að koma að góðum notum hjá okkur,“ segir Matthías.