Námsmaður í Dúbaí, sem hafði tekist að safna upp umferðarsektum að andvirði um 12,5 milljónir króna, lenti í klóm laganna varða um helgina. Manninum hafði tekist að forðast lögregluna í tvö ár en á sama tíma fengið fjölda hraðasekta.

Lögreglan gerði bíl námsmannsins upptækan og var honum gert að greiða án tafar sem svarar níu milljónum króna. Til að fá bílinn aftur í hendurnar verður maðurinn að greiða afgang sektanna. Hvort maðurinn hefur eitthvað með bílinn að gera er álitamál þar sem hann var sviptur ökuréttindum, enda brotið af sér fjögur hundruð sinnum.