Bandaríski kylfingurinn Tiger Woods ætlar að rjúfa þögnina næsta föstudag og biðjast opinberlega afsökunar á framhjáldi sínu með fjölda kvenna. Þá ætlar Woods að tilkynna um framtíðaráform sín á golfvellinum.

Síðan að fréttir af framhjáhaldi hans komust í heimsfréttirnar í lok síðasta árs hefur Tiger Woods haldið sig til hlés og ekki gefið fjölmiðlamönnum færi á sér og ekki sést opinberlega.

Að því er fram kemur á vef Fox News ætlar Woods þó ekki að leyfa fjölmiðlafólki að vera viðstatt heldur ætlar hann að lesa upp yfirlýsingu fyrir framan myndavél með sína nánustu viðstadda.