Myndband, sem sýnir pelíkana ráðast á veðurfréttamann á Ástralíu, hefur slegið í gegn á myndbandavefsíðunni YouTube að undanförnu. Óhætt er að segja að viðbrögð veðurfréttamannsins séu með þeim kostulegri sem sést hafa.

Veðurfréttamaðurinn, Steve Jacobs, hafði ætlað að vera með beina útsendingu frá Taronga-dýragarðinum í Sidney í morgunþættinum Today Show á Channel Nine. Einhverra hluta vegna ákvað hann að vera með lýsinguna á svæði sem tilheyrir pelíkönum í garðinum og fór það svo að einn þeirra gerði sér dælt við afturendann á honum.

Sjón er sögu ríkari en myndabandið má sjá hér að neðan: