Eygló Harðardóttir þingmaður Framsóknarflokksins óskar eftir að haldinn verði fundur í viðskiptanefnd þar sem farið verði yfir gengistryggð lán og lagalega stöðu þeirra í ljósi dómsins sem féll í gær í héraðsdómi Reykjavíkur. Héraðsdómur sýknaði bíleigandi af kröfum fjármögnunarfyrirtækisins Lýsingar. Komst dómarinn að þeirri niðurstöðu að ólögmætt sé að gengistryggja kaupleigusamning við erlenda gjaldmiðla.

Eygló óskar eftir að á fund nefndarinnar mæti fulltrúar Hagsmunasamtaka heimilanna, talsmaður neytenda, fulltrúi neytendasamtakanna, fulltrúar viðskiptaráðuneytis/fjármálaeftirlits og Seðlabanka Íslands auk Björns Þorra Viktorssonar lögmanns. Þá vill Eygló utandagskrárumræðu um málið við Gylfa Magnússon, viðskiptaráðherra.