Allt tiltækt lið slökkviliðsins á höfuðborgarsvæðinu var kallað út síðdegis vegna elds um borð í skipinu Oddeyrinni sem stendur við Hafnarfjarðarhöfn. Tilkynnt var um mikinn reyk í skipinu skömmu fyrir klukkan fimm en grunur leikur á að eldurinn hafi komið upp í vélarrúmi skipsins.

Oddeyrin er 1300 tonn að stærð og er í eigu Samherja. Skipið liggur við suðurhluta Hafnarfjarðarhafnar.