Tvennt var handtekið af lögreglu í miðborginni í gær fyrir að þvo þvott. Ástæða afskipa lögreglunnar var sú að fólkið var við þessa iðju í ókunnugu húsi og án heimildar húsráðanda.

Nokkur önnur þjófnaðarmál komu til kasta lögreglunnar í gær og voru þjófarnir á ýmsum aldri. Þeir yngstu eru 12 ára en þar er um að ræða tvær stelpur sem stálu fatnaði úr verslunarmiðstöð á höfuðborgarsvæðinu.

Kona um tvítugt var handtekin fyrir þjófnað í verslun í miðborginni í gær. Hún var ekki mjög samvinnufús við lögreglu og neitaði meðal annars að segja til nafns. Konan, sem var í annarlegu ástandi, var færð í fangageymslu.